भक्तपुर । नेपाल कम्युनिष्ट पार्टी एमाले भक्तपुरको अध्यक्षमा पुनः बचन देउजा निर्वाचित भएका छन् । ९ औं जिल्ला अधिवेशनबाट देउजा कुल ४९१ मध्ये २९० मत प्राप्त गरि विजयी भएका हुन् । उनी यसअघि पनि जिल्ला पार्टी अध्यक्ष थिए ।
९ औं अधिवेशनका लागि दुई वटा समुहले प्यानलनै बनाएर उमेदवारी दिएका थिए । आइतवार बिहान तीन बजे मतगणना सम्पन्न भएको थियो । मतपरिणाम अनुसार कमिटिको उपाध्यक्षमा सूर्यविनायक नगरपालिकाका मेयर बासुदेव थापालाई हराउँदै बागमती प्रदेश सभा सदस्य किरण थापा निर्वाचित भएका छन् । सचिवमा विष्णु तामाङ चुनिएका छन् । त्यस्तै, महिला उपसचिवमा उत्तरा नेपाल र पुरुष उपसचिवमा सानुकाजी कायस्थ निर्वाचित भएका छन् ।
