भक्तपुर । सूर्यविनायक नगरपालिकाले कर्मचारीहरूमा क्षमता विकास, सकारात्मक सोच तथा रूपान्तरण सम्बन्धी अभिमुखीकरण कार्यक्रमको आयोजना गरेको छ । नगरपालिकाका प्रमुख प्रशासकीय अधिकृत युवराज आचार्यका अनुसार, छिटो छरितो र प्रभावकारी सेवा प्रदान गर्न सहयोग पु¥याउँने उदेश्यले दुई दिने क्षमता विकास, सकारात्मक सोच तथा रूपान्तरण सम्बन्धी अभिमुखीकरण कार्यक्रमको आयोजना गरिएको हो ।
कार्यक्रममा वरिष्ठ प्रशिक्षकहरू लिला सापकोटा, कृष्णहरी बास्कोटा, कञ्चन राउत तथा नरबहादुर कार्कीले विषयगत, प्रेरणामूलक तथा व्यवहारिक ज्ञान प्रदान गरेको प्रमुख आचार्यले बताए । कार्यक्रमले सुर्यविनायक नगरपालिकाका कर्मचारीहरूको क्षमता अभिवृद्धि, सकारात्मक कार्यसंस्कृतिको विकास तथा संस्थागत रूपान्तरणतर्फ महत्वपूर्ण योगदान पुर्याएको आचार्यको भनाई छ।
कार्यक्रममा नगरपालिकाका प्रशासनीक, प्राविधिक, सुरक्षाकर्मी लगायतका करिव एक सय ५० बढीको सहभागिता रहेको थियो । नगरपालिका नेतृत्वले कर्मचारीलाई पुर्नजागरुक गराई सेवामा चुस्तता ल्याउँने उदेश्यसहित यस्तो कार्यक्रम राखेको भन्दै सहभागि कर्मचारीले कार्यक्रम अत्यन्त प्रभावकारी भएको बताएका छन् ।
सकारात्मक सोच, सक्षम नेतृत्व र सेवामुखी कार्यशैलीनै समृद्ध नगर निर्माणको आधार भएको बताउँदै कर्मचारी प्रशासन शाखाकी सुमित्रा थापाले सूर्यविनायक नगरपालिकाले आयोजना गरेको अभिमुखीकरण कार्यक्रममा सहभागी हुदै अनुभव, ज्ञान र प्रेरणा साटने अवसर प्राप्त भएको बताइन ।
