काठमाडौं । सरकारले सार्वजनिक यातायातको भाडा वृद्धि गरेको छ । यातायात व्यवस्था विभागका अनुसार इन्धनको मूल्यमा ५ रुपैयाँ थपघट हुदाँ भाडा समायोजन गर्ने व्यवस्था अनुसार यो निर्णय गरिएको हो । बढेको भाडा दर आजैबाट लागू हुने विभागले जनाएको छ ।
अब सार्वजनिक सवारीमा यात्रा गर्दा न्यूनतम भाडा २५ रुपैयाँ तिर्नुपर्ने भएको छ । यात्रु बाहक सवारीका हकमा १६।७१ प्रतितसम्म भाडा बढाउने निर्णय गरेसँगै अब यात्रुले न्यूनतम २५ रुपैयाँ तिर्नुपर्ने भएको हो ।
सवारी चालकहरुले एक रुपैयाँ फिर्ता नदिने हुँदा पनि आम सर्वसाधारण यात्रुले छोटो दूरीमा गाडी चढ्ने बित्तिकै २५ रुपैयाँ तिर्न बाध्य हुने देखिएको छ ।
बुधबार सरकारले यात्रुबाहक सवारीहरुमा १६.७१ प्रतिशत, पहाडी क्षेत्रमा चल्ने मालबाहक सवारीमा २१.६८ प्रतिशत र तराइ क्षेत्रमा चल्ने मालबाहकमा १५.७५ प्रतिशतसम्म भाडा वृद्धि गरेको छ ।
