भक्तपुर । ॐ सृजनशील समाज भक्तपुरले यस बर्ष एसईई परिक्षामा सफल भएका विद्यार्थीलाई सम्मान गरेको छ । सूर्यविनायक नगरपालीका- ४ स्थित क्लबले २०८१ काे एसईई परिक्षामा सफल भएका विद्यार्थीलाई सम्मान गरेको हाे ।
क्लवले शनिबार सो क्षेत्रमा बसोबास गर्ने बिधार्थीलाई प्रोत्साहित गर्ने उधेश्यले खादा, मायाको चिनो तथा प्रमाणपत्र प्रदान गरेर सम्मान गरेको अध्यक्ष अर्जुन केसीले बताए ।सुर्यबिनायक नगरपालिका वडा नं ४ का अध्यक्ष लछुराम न्यौपाने, वडा सदस्यहरु बिदुर खड्का, पम्फा परियार, दधिकोट खानेपानीका अध्यक्ष कृष्णहरि खड्काले एसईई उतिर्णलाई सम्मानपत्र, खादा र मायाको चिनाे प्रदान गरका थिए ।
सोहि अवसरमा यस वर्षको एसईईमा मोर्डन स्कुलबाट चार जिपिए ल्याउँने छात्रा सुधि त्रिपाठीलाई नगद पुरस्कारसहित सम्मान गरिएको थियो । कार्यक्रमलाई सम्बोधनगर्दै वडाअध्यक्ष न्यौपानेले यस्ता खाले कार्यक्रमले बिद्यार्थीलाई थप मेहनत गरेर पढ्न हौसला मिल्ने बताएका थिए ।
कार्यक्रममा प्रहरी प्रभाग दधिकोट, विभिन्न टोल सुधार का प्रतिनिधिहरु, समाज सेवी, क्लबका पदाधिकारी तथा सदस्यहरु, अभिभावक तथा स्थानीय बासीकाे उपस्थिति रहेको थियो ।
सो कार्यक्रममा क्लबका तत्कालिन कार्य समिति सदस्य चन्द्र भण्डारी को असमायिक निधन भएकाले भण्डारीको स्मृतिमा उनकी श्रीमती मेनुका थापाको उपस्थितिमा चन्द्र भण्डारी स्मृति कोष खडा भएको घोषणा पनि गरिएको थियो । उक्त कोषले हरेक बर्ष एक जना बिपन्न, एकल परिवारको बिधार्थीलाई छात्रवृत्ति दिने घोषणा समेत गरेको छ ।
जसअनुसार यस बर्ष अरनिको माध्यमिक बिधालय गाम्चामा कक्षा ६ मा अध्ययनरत एकल परिवारकि जेहन्दार छात्रा एन्जोलिना पोख्रेललाई छात्रवृत्ति प्रदान गर्ने घोषणा गरिएको थियो । सो अवसरमा छात्रालाई स्कुल ब्याग, कपि, कलम तथा अन्य सामाग्री कोषकि संयोजक मेनुका थापाले प्रदान गरेकी थिइन्।
