भक्तपुर । चाँगुनारायण नगरपालिकाले भोलि सार्वजनिक बिदा दिने निर्णय गरेको छ । हरिवोधनी एकादशीमा चाँगुनारायण मन्दिरमा मेला लाग्ने भएका कारण नगरपालिकाले सार्वजनिक बिदा दिने निर्णय गरेको हो ।
नगरपालिकाले सूचना जारी गर्दै अन्य वर्षहरु जस्तै यस वर्षको हरिवोधनी एकादशी अर्थात् कात्तिक २७ गते मंगलबार नगर कार्यपालिकाको कार्यालय, वडा कार्यालयहरु, स्वास्थ्य संस्था र शैक्षिक संस्थामा सार्वजनिक बिदा दिइएको जानकारी दिएको छ ।
