काठमाडौं । काठमाडौंमा जारी साफ यू–२० च्याम्पियनसिप फुटबलमा मंगलबार समूह ‘ए’ का बंगलादेश र श्रीलंकाबीच प्रतिस्पर्धा हुँदैछ । आज हुने खेल ललितपुरको सातदोबाटोस्थित एन्फा कम्प्लेक्सको मैदानमा दिउँसो ३ बजे सुरु हुनेछ ।
जारी च्याम्पियनसिपमा बंगलादेश आफ्नो पहिलो खेल खेल्न लागेको हो । श्रीलंकाले भने दोस्रो खेल खेल्दैछ ।
श्रीलंका पहिलो खेलमा नेपालसँग १–० गोलले पराजित भएको थियो । आज पराजित भएको खण्डमा श्रीलंका समूह चरणबाटै बाहिरिनेछ ।
श्रीलंका पराजित हुँदा वा बराबरीमा मात्रै सीमित रह्यो भने पनि नेपाल भने एक खेल अगावै सेमिफाइनलमा प्रवेश गर्नेछ । नेपालले समूहको दोस्रो खेल बिहीवार बङ्गलादेशसँग खेल्नेछ ।
सोमबार भएको समूह ‘बी’ को खेलमा साबिक विजेता भारतले भुटानलाई १–० गोलले हराएको थियो ।
