भक्तपुर । भक्तपुरमा पानी भरेको बाल्टिनमा डुबेर ११ महिने बालिकाको मृत्यु भएको छ । सोमबार साँझ सूर्यविनायक नगरपालिका वडा नं. १० चित्तापोलमा खेल्ने क्रममा २० लिटरको बाल्टिनमा डुबेर गिता बस्नेतको ११ महिनाकी छोरी नेलिस्ता बस्नेतको मृत्यु भएको हो ।
खेल्ने क्रममा पानी भएको २० लिटर प्लास्टिकको बाल्टिनमा डुबेपछि बालिकालाई उपचारको लागि ख्वप अस्पताल च्यामासिंह भक्तपुर लगिएको थियो । उपचारका क्रममा नै उनको निधन भएको हो ।
लाश पोष्मार्टमको लागि काठमाडौं मेडिकल कलेज दुवाकोट भक्तपुर लगिएको छ । घटनास्थलमा प्रहरी वृत जगाती भक्तपुरबाट अनुसन्धान अधिकृत सहितको प्रहरी टोली खटिएर प्रारम्भिक अनुसन्धान कार्य सुरु गरेको छ ।
घटनाको सम्बन्धमा थप अनुसन्धान कार्य भईरहेको प्रहरीले जनाएको छ ।
