भक्तपुर। काभ्रेको बनेपा नगरपालिका वडा नम्बर ९ का वडाध्यक्ष १५ लाख घुससहित पक्राउ परेका छन् । वडाध्यक्ष ४२ वर्षीय नृपेश बादेलाई अख्तियारले बुधबार घुससहित पक्राउ गरेको हो ।
अख्तियार दुरुपयोग अनुसन्धान आयोगको कार्यालय टंकालबाट खटिएको टोलीले वडाध्यक्ष बादेलाई १५ लाख घुस लिइसकेको अवस्थामा भक्तपुरको गट्ठाघरबाट नियन्त्रणमा लिएको हो । घर बाटो सिफारिस गर्ने प्रयोजनका लागि १५ लाख रकम लिइसकेपछि उनलाई सो रकमसहित नियन्त्रणमा लिइएको अख्तियारले जनाएको छ ।
उनीसँग आएको बा ७ च १२९ नम्बरको कार चालक बाह्रबिसे नगरपालिका–७ मिलनटार स्थायी घर भई हाल चाँगुनारायण नगरपालिका–२ दुवाकोट बस्ने ३१ वर्षीय पदमबहादुर प्रधानसमेतलाई गाडीसहित नियन्त्रणमा लिएको अख्तियारले जनाएको छ।
