काठमाडौं । हङकङले नेपाललाई ११५ रनको लक्ष्य दिएको छ । ओमानमा चलिरहेको एसीसी प्रिमियर कप अन्तर्गतको आजको खेलमा हङकङले वर्षाका कारण घटाएर निर्धारण गरिएको १८ ओभरमा सबै विकेट गुमाएर ११४ रन बनाएको हो ।
टस हारेर पहिले ब्याटिङ गरेको हङकङका लागि अन्सुमन राथले ३४ रन, जिशन अलिले १४, निजाकत खानले १२, इशान खानले ११ रन लिए भने अन्य खेलाडीले दोहोरो अंकमा रन बनाउन सकेनन् ।
नेपालका तर्फबाट अभिनास बोहोराले हङकङको सर्वाधिक ४ विकेट झारेका छन् । ललित नारायण राजवंशी र दिपेन्द्र सिंह ऐरीले २–२ विकेट लिए ।
