भक्तपुर । आठौं भक्तपुर महोत्सवमा आज २८ गते गायिका एलिना चौहानको उपस्थिति हुने भएको छ । “कट्टा हान्दिन्छु, धोखेबाज बाज हौ तिमी” जस्ता गीतबाट चर्चिच भएकी चौहानले भोलि महोत्सवमा प्रस्तुति दिने आयोजकले जनाएका हुन् । महोत्सवमा आउने आयोजकले जानकारी दिएको छ ।
चौहान सहित भोलि विश्व नेपाली, टीका प्रसाईं, बिनोद ढकाल, अनित विष्ट, सपना शाही, रितु कँडेल, नविन पौडेल, विन्दास इन्द्र, पुष्पा परियार लगायतका ब्यक्तित्वहरुको उपस्थिति रहने आयोजकले जनाएका छन् ।
औद्योगिक शान्ति नेपाल संस्था र मध्यपुर ब्वाइज ब्यान्डको आयोजित उक्त महोत्सव बिहीबारबाट सुरु भएको छ । ११ दिनसम्म चल्ने उक्त महोत्सवमा सर्वसाधारणका लागि प्रवेश शूल्क ७० रुपैयाँ र विद्यार्थीका लागि ५० रुपैयाँ तोकिएको छ । ज्येष्ठ नागरिकलाई भने निःशूल्क प्रवेश दिइने मेला आयोजक समितिले जनाएको छ ।
महोत्सवमा कृषि, पर्यटन, दैनिक जीवनका उपभोग्य सामाग्री, लत्ताकपडा, जुत्ता, हस्तकलाका सामाग्री लगायतको करिव २ सय स्टल रहने मेला आयोजक समितिका संयोजक दीपक थापाले जानकारी दिए । संयोजक थापाका अनुसार मेलामा कृषि औजार, सूचना तथा प्रविधि आदिको प्रदर्शनी समेत रहने छ । महोत्सव अवलोकन गर्न ५ लाख भन्दा बढीको उपस्थिती रहने आयोजकको अपेक्षा रहेको छ । महोत्सवमा करिब १२ करोड रुपैयाँको कारोबार हुने आयोजक संस्थाका अध्यक्ष सन्दिप महतले बताए ।
