भक्तपुर । नेप्सेम्याक शाखा कार्यालय भक्तपुरले मध्यपुर थिमी–५ स्थित राधेराधेमा प्रहरी विट र पार्क निर्माण गरेको छ । साे बिट र पार्क बुधबार औपचारिक रूपमा प्रहरीलाई हस्तान्तरण गरिएको छ ।
मध्यपुर थिमी नगरपालिका–५ का वडाध्यक्ष बालकृष्ण श्रेष्ठको प्रमुख आतिथ्यमा सरसफाइका कृयाकलापसँगै प्रहरी विट तथा मिनी–पार्कसहितको संरचना हस्तान्तरण गरिएको हो ।
नेप्सेम्याकका निर्देशक बाबुराम चौंलागाईंले करिब साढे दुई लाख रुपैयाँ लागतमा निर्माण गरिएको प्रहरी विट र मिनी–पार्कसहितको संरचना प्रहरी वृत्त थिमीका प्रमुख डीएसपी नवराज ढुंगानालाई रूपमा हस्तान्तरण गरे ।
कार्यक्रमका समुदायका अगुवाहरू, समाजिक अभियन्ता, स्थानीयवासी समेतकाे सहभागिता रहेको थियो । नेप्सेम्याकले पछिल्ला वर्षहरूमा मिनी पार्क संरक्षण, सरसफाइ प्रवर्द्धन, हरियाली विस्तार, प्लास्टिक न्यूनीकरण तथा समुदाय–प्रहरी सहकार्य जस्ता सामाजिक गतिविधिलाई निरन्तरता दिँदै आएको नेप्सेम्याकका निर्देशक गोविन्द आचार्यले बताए । संस्थाले काठमाडौं, भक्तपुर, ललितपुर तथा काभ्रेपलाञ्चोकका बनेपा–धुलिखेल क्षेत्रसमेत गरी १५ स्थानीय तहमा फोहोर संकलन तथा सरसफाइ अभियानमा महत्वपूर्ण योगदान पुर्याउँदै आएको समेत आचार्यले जानकारी दिए ।
