भक्तपुर । भक्तपुरका संघीय सांसद दुर्लभ थापा भारतको नयाँदिल्लीको अस्पतालबाट डिस्चार्ज भएका छन् । नयाँदिल्लीस्थित अपोलो स्पेक्ट्रा अस्पतालमा शल्यक्रिया गराएका थापा आइतबार डिस्चार्ज भएका हुन् ।
क्षेत्र नं २ बाट निर्वाचित संघीय सांसद एवं नेपाली कांग्रेस भक्तपुरका सभापति समेत रहेका थापाको पाँच दिनअघि नयाँदिल्लीस्थित अपोलो स्पेक्ट्रा अस्पतालमा बायाँ पट्टिको हिप रिप्लेस्मेन्ट सर्जरी गरिएको थियो ।
डा.सुनिल टुलि र उनको टीमले माननीय थापाको शल्यक्रिया सम्पन्न गरेका थिए । थापाको स्वास्थ्यमा क्रमिक शुधार आएसंगै डिस्चार्ज गरिएको थापाका स्वकीय सचिव शुभासिश ढकालले बताए ।
ढकालका अनुसार, थापा केही दिन चिकित्सकको प्रत्यक्ष निगरानीमा रहने र सम्पूर्ण उपचारपछि स्वदेश फर्कने कार्यक्रम रहेको छ । थापाको वैशाख ३ गते बिहान शल्यक्रिया गरिएको थियो ।
