भक्तपुर । विस्काः जात्राको अवसरमा मध्यपुर थिमि नगरपालिकामा तीनदिन सार्वजनिक विदा दिने भएको छ । मध्यपुर थिमि नगरपालिकाले ऐतिहासिक तथा परम्परागत बिस्काः जात्रा र जिब्रो छेड्ने जात्रा हर्षोउल्लासका साथ मनाउन ३ दिन स्थानीय विदा दिने भएको हो ।
नगरपालिकाले २०८१ साल चैत्र ३१ गते र २०८२ साल बैशाख २ र ३ गते नगरपालिका अन्तर्गतका सबै कार्यालयहरुमा स्थानीय विदा दिने गर्ने निर्णय गरेको हो । नगरपालिकाका प्रबक्ता कृष्णहरी आचार्यले एक सूचना जारी गरि सो जानकारी दिएका छन् ।
आचार्यका अनुसार, २०८१ साल चैत्र २१ नगर प्रमुख सुरेन्द्र श्रेष्ठको अध्यक्षतामा बसेको नगरकार्यपालिकाको ३५ औं बैठकले सो विदा दिने निर्णय गरेको हो ।
बैठकले नगरपालिकामा भव्य र सभ्य रुपमा मनाइने बिस्काः जात्रा र जिब्रो छेड्ने जात्रा शान्तिपूर्ण हर्षोउल्लासका साथ मनाउन सुरक्षा लगायत आवश्यक व्यवस्थापन गर्ने निर्णयसमेत गरेको सुचनामा जनाइएको छ ।
