काठमाडौं । डुंगामा चढेर विनाभिसा क्यालिफोर्नियाको सान डिएगो क्षेत्रबाट अमेरिका छिर्न खोज्ने २ नेपाली पक्राउ परेका छन् । गतसाता मंगलबार राति डुंगा चढेर क्यालिफोर्नियाको सानडिएयो क्षेत्रबाट अवैध तरिकाले अमेरिका प्रवेश गर्न खोज्ने दुई नेपालीमाथि गोली प्रहार गरी अमेरिकी भन्सार तथा सीमा सुरक्षा (सीबीपी)को एयर एण्ड मरीन अपरेसन्स् (एएमओ)ले पक्राउ गरेको हो ।
हाल उनीहरु सीबीपीकै नियन्त्रणमा रहेको जनाइएको छ । क्यालिफोर्नियाको समुन्द्री तटबाट दुई नेपालीसहित नौ जना अवैध अमेरिका प्रवेश गर्न खोज्ने आप्रवासीलाई नियन्त्रणमा लिइएको सीबीपीले वेवसाइडमार्फत जानकारी दिएको छ । सीबीपीले हालसम्म पक्राउ पर्नेको नाम भने खुलाएको छैन ।
मंगलबार राती साढे ९ बजे क्यालिफोर्नियाको तटबाट सीमा सुरक्षा अभियान सञ्चालन गर्ने एयर एण्ड मरिन अपरेशनको विमानले डुंगामा अमेरिकाको सिमातर्फ जाँदै गरेको आप्रवासीको समुह पत्ता लगाएको थियो । कोस्टल इन्टरसेप्टर भेसलसँग समन्वय गर्दै एयरक्रूले डुंगाको निगरानी गरेको थियो । मध्यरातपछि बुधबार लाग्ने बित्तिकै डुंगाले सामुद्रिक सीमा रेखा पार गरेको थियो ।
त्यसपछि एयरक्रूले डुंगालाई रोक लगाउन तटीय इन्टरसेप्टर जहाज प्रयोग गरेको थियो । डुंगालाई उचाल्ने प्रारम्भिक प्रयासहरूलाई चालक दलले बेवास्ता गरेको थियो । त्यसपछि सबै उपायहरू प्रयोग गरेर डुंगा रोक्न असफल भएपछि मरीन इन्टरडिक्शन एजेन्टहरूले आफ्नो स्थानमा गएर डुंगालाई रोक्न अक्षम पार्ने गोलीहरू प्रयोग गरेका थिए ।
डुंगामा २ नेपाली, दुई मेक्सिकन, ४ ब्राजिलियन र १ जना चाइनिज रहेको जनाइएको छ । अमेरिकी कानुन अनुसार सामान्य उल्लंघनमा जरिवाना वा पाँच वर्षसम्म जेल, आर्थिक लाभका लागि वा आपराधिक विदेशी संलग्न भएमा न्यूनतम ३ देखि अधिकतम १० वर्षसम्म जेल सजाय हुनेछ ।
गतसाता बुधबार नै दक्षिण सीमाबाट अमेरिका हिँड्दै आउने क्रममा एक नेपालीले ज्यान गुमाएका थिए । दाङ जिल्ला घर भएका ३५ बर्षीय पूर्णबहादुर डांगीको घानाको राजधानी आक्रामा मृत्यु भएको थियो ।
