भक्तपुर । राइफलको गोलीसहित भक्तपुरबाट एक युवक पक्राउ परेका छन्। पक्राउ पर्नेमा २० वर्षीय सुमित त्यात रहेका छन् ।
जिल्ला प्रहरी परिसर भक्तपुरबाट खटिएको टोलीले भक्तपुर -२ बाट आइतबार दिउँसो त्यातलाई पक्राउ गरेको हो । भक्तपुर नगरपालिका-२ निवासी त्यातकोसाथबाट ३०३ राइफलको १ राउण्ड गोली र लागू औषध ट्रामाडोल बरामद गरिएको छ ।
जिल्ला प्रहरी परिसर भक्तपुरले घट्नाका सम्बन्धमा थप अनुसन्धान अघि बढाइएको जनाएको छ ।
