काठमाडौं । अछाममा भएको ट्याक्टर दुर्घटना परेर पाँचजनाको ज्यान गएको छ । थप तीन जना घाईते भएका छन् । जिल्लाको मेल्लेख गाँउपलिका– ७ सुयेडीमा सोमबार बिहान पौने १० बजे सो दुर्घटना भएको हो ।
अछामका प्रहरी प्रमुख डीएसपी सन्तोष पाठकका अनुसार, घाइतेलाई उद्धार गरी उपचारका लागि अछामकै बयलपाटा अस्पताल पठाइएको छ । मेल्लेखको षोडशाबाट साँफेबगर जाने क्रममा ट्याक्टर सुयेडी नजिकै दुर्घटना भएको पाठकले बताए । ट्याक्टर सडकबाट करिव ५० मिटर तल खसेको थियो । दुर्घटनाको कारण खुल्न सकेको छैन ।
