काठमाडौं । पेट्रोलियम पदार्थको मूल्य घटेको छ । नेपाल आयल निगमले पेट्रोलियम बिहीबार बिहानदेखि लागु हुने गरी पेट्रोलको मूल्य लिटरमा चार रुपैयाँ र डिजेलरमट्टीतेल प्रतिलिटर पाँच रुपैयाँ घटाइएको हो ।
हवाई इन्धन आन्तरिकतर्फ प्रतिलिटर ६ रुपैयाँ र अन्तर्राष्ट्रियतर्फ काठमाडौंको लागि प्रतिकिलोलिटर अमेरिकी डलर ४२ ले घटाइएको निगमले जनाएको छ । एलपी ग्याँसको मूल्य बढेर आए पनि उपभोक्ताको हितलाई ध्यानमा राखेर मूल्य यथावत् राखिएको निगमले जनाएको छ ।
निगम सञ्चालक समितिको बुधबारको निर्णयानुसार मूल्य घटाइएको निगमद्वारा जारी विज्ञप्तिमा जनाइएको छ । नयाँ मूल्य सूची अनुसार काठमाडौं उपत्यका लगायतका तेस्रो वर्गमा पेट्रोल प्रतिलिटर १५९ र डिजेलरमट्टितेलमा १३७ रुपैयाँ पर्ने छ।
