काठमाडौं । तराईमा सितलहर, बाक्लो हुस्सु केही दिन लम्बिने भएको छ । छ दिनयता तराईमा बाक्लो हुस्सु र कुहिरो लाग्दा जनजीवन प्रभावित बनेको छ ।
जल तथा मौसम विज्ञान विभागले तराईमा लागेको बाक्लो हुस्सु र कुहिरो अझै तीन दिन कायम रहने जनाएको छ । बिभागले बाक्लो हुस्सुका कारण अत्याधिक चिसो बढेको बताउँदै आवश्यक सावधानी अपनाउन सबैमा अनुरोध गरेको छ ।
विभागका मौसमविद् हरिप्रसाद दाहालले आगामी तीन दिनमा उल्लेख्य सुधार हुने सम्भावना नरहेकाले दैनिक जनजीवन, स्वास्थ्य, सडक तथा हवाई यातायातलगायत क्षेत्रमा प्रभाव पर्ने देखिएकाले आवश्यक सतर्कता अपनाउन सबैमा अनुरोध गरे ।
