काठमाडौं । वीरगञ्जमा लगाइएको कर्फ्यू चार घण्टाका लागि हटाइएको छ। जिल्ला प्रशासन कार्यालय पर्साले एक सूचना जारी गरी मंगलबार बिहान ६ बजेदेखि १० बजेसम्मका लागि कर्फ्यू हटाएको हो । १० बजेपछि भने कर्फ्यू यथावत् रहने सूचनामा उल्लेख छ।
रौतहटमा भएको झडपको विषयमा सोमवार दिउँसो प्रदर्शन भएपछि हिंसा भड्किन सक्ने भन्दै जिल्ला प्रशासनले सोमबार अपराह्न ५ बजेदेखि वीरगञ्जका केही भागमा अनिश्चितकालीन कर्फ्यू आदेश जारी गरेको थियो । वीरगञ्ज महानगरपालिकाको पूर्वमा नगवा चौक, पश्चिममा तिलावे पुल, उत्तरमा परवानीपुर र दक्षिणमा मितेरीपुलसम्म कर्फ्यू लगाइएको हो।
