काठमाडौं । चालू आर्थिक वर्षको साउन र भदौमा नेपालबाट हुने यार्सागुम्बाको निर्यात घटेको छ । भन्सार विभागले सार्वजनिक गरेको आयात निर्यातको तथ्यांक अनुसार चालू आर्थिक वर्षको पहिलो दुई महिनामा यार्साको निर्यात करिब दुई तीहाइले घटेको हो ।
गत आर्थिक वर्ष २०८०/८१ को पहिलो दुई महिनामा ३८ करोड ५९ लाख ३ हजार रुपैयाँ बराबर रकममा ६७८ किलो यार्सागुम्बा निर्यात भएको थियो । आर्थिक वर्ष २०८१/८२ को साउन र भदौ महिनामा उक्त रकममा ७४.७१ प्रतिशतले घटेर ९ करोड ७५ लाख ५८ हजार रुपैयाँ पुगेको हो । सो अवधिमा २७३ किलो यार्सा निर्यात भएको छ ।
गत आर्थिक वर्षभरिमा नेपालले ७० करोड १८ लाख रुपैयाँ बराबर रकममा १४ सय ८४ किलो यार्सा निर्यात गरेको थियो ।
