काठमाडौं । १७ वर्षमुनिको साफ च्याम्पियनशिपको सेमिफाइनलमा नेपाल भारतसँग पराजित भएको छ । भुटानमा भएको खेलमा नेपाल भारतसँग ४–२ गोलले पराजित भएको हो ।
पहिलो हाफमा गोलरहित बराबरी भएकोमा दोस्रो हाफको ६१ र ६८ मिनेटमा गोल गरेर भारतले अग्रता बनाएको थियो । त्यसपछि नेपालले ८२ मिनेटमा गोल फर्कायो । त्यसको तीन मिनेटमै अर्को गोल थपेर भारत ३–१ को अवस्थामा पुगेको थियो ।
नेपालले ९० मिनेटमा गोल गरेर खेलमा फर्किने सङ्केत गरेको थियो तर भारतले अर्को गोल थपेसँगै नेपाल ४–२ गोलले पराजित हुन पुग्यो । योसँग नेपालको फाइनल पुग्ने धोको अधुरै रह्यो । अर्को सेमिफाइलनमा अहिले पाकिस्तान र बङ्गलादेश खेलिरहेका छन् ।
