काठमाडौं । पद्मश्री साहित्य पुरस्कार-२०८० का लागि विस्तारित सूची (लङलिस्ट) सार्वजनिक भएको छ । खेमलाल–हरिकला लामिछाने प्रतिष्ठानले पहिलो चरणमा १५ पुस्तकलाई लङलिस्टका रूपमा सार्वजनिक गरेको हो ।
१५ पुस्तक मध्येबाट अर्को महिना उत्कृष्ट ५ पुस्तकको संक्षिप्त सूची सार्वजनिक गरिने प्रतिष्ठानका अध्यक्ष जीवा लामिछानेले जानकारी दिए । उनका अनुसार प्राप्त १८६ वटा साहित्यिक पुस्तक मध्येबाट विस्तारित सूची चयन गरिएको हो ।
नेपाली साहित्यमा प्रकाशित उत्कृष्ट कृतिलाई हरेक वर्ष पद्मश्री साहित्य पुरस्कार प्रदान गरिँदै आएको छ ।
पद्मश्री उत्कृष्ट विस्तारित सूचीमा परेका कृतिहरू
१. अडिएका पाइला- उपन्यास, विष्णु सापकोटा
२. अद्वैत- उपन्यास, कृष्ण गौतम
३.अर्को देशमा-कथा संग्रह, सानु शर्मा
४.गल्ली संसार-निबन्ध संग्रह, रोशन शेरचन
५. गोधूलि गीत- उपन्यास, भानु बोखिम
६. गोपीचा- उपन्यास, विश्व कुइकेल
७. जोगियाना- संस्मरण, कुमार नगरकोटी
८. बहादुर शाह- उपन्यास, चिरन्जीवी वाग्ले
९. बागी स्त्रीको आत्मकथा- कविता संग्रह, सुमिना
१०. बादलडाँडा- नियात्रा, राजेन्द्रमान डंगोल
११. बोरा- उपन्यास, अखण्ड भण्डारी
१२. भृकुटी- उपन्यास, गोविन्दप्रसाद कुसुम
१३. लन्डन अनप्लग्ड- संस्मरण, गोपी सापकोटा
१४. संस्कृति चिन्तन – निबन्ध संग्रह, अरुण गुप्तो
१५. साखेजुङको उकालो- जीवानाख्यान, भुवनहरि सिग्देल
