काठमाडौं । निलम्बित न्यायाधीश भुवन गिरीकी पत्नी आरती रावललाई प्रहरीले पक्राउ गरेको छ । मंगलबार बिहान सर्वोच्च अदालतअगाडि आत्मदाहको प्रयास गरेपछि उनलाई प्रहरीले गेटबाट पक्राउ गरेको हो ।
काठमाडौंको सामाखुशी घर भएकी ३९ वर्षीया रावलले गएको शुक्रबार सर्वोच्चको गेट अगाडि आत्मदाहको कोसिस गरेकी थिइन् । उनले आफूलाई पतिले जबरजस्ती करणी गरेको आरोप लगाएकी थिइन् ।
यो मुद्दामा काठमाडौं जिल्ला अदालतले उनका पतिलाई छोडेको विरोधमा उनले आत्मदाह कोसिस गरेकी हुन् । न्यायाधीश गिरीलाई थुनामा राखी कानुनी कारबाही गर्नुपर्ने उनको माग छ ।
