चितवन, २६ भदौ । चितवनको भरतपुरमा विद्युतीय कार ‘इभी मा आगलागी हुँदा चालकको जलेर मृत्यु भएको छ । आगलागीमा कार पूर्णरूपमा जलेर नष्ट भएको छ भने मृतकको पहिचान खुल्न सकेको छैन ।
भरतपुर महानगरपालिका–९ स्थित पूर्व–पश्चिम राजमार्गमा आज बिहान बा.प्र.०१–०३० च ५५७९ नम्बरको विद्युतीय कारमा अचानक आगो लागेको हो ।
आगलागीपछि दमकलको सहयोगमा आगो नियन्त्रणमा लिइएको जिल्ला प्रहरी कार्यालय चितवनले जनाएको छ । प्रहरीका अनुसार आगलागीमा चालकको शरीर पूर्णरूपमा जलेकाले तत्काल सनाखत हुन सकेको छैन ।
जिल्ला प्रहरी कार्यालय चितवनका प्रहरी उपरीक्षक रामेश्वर पौडेलले घटनाबारे थप अनुसन्धान भइरहेको जानकारी दिए । आगलागीको कारणसमेत खुल्न बाँकी रहेको प्रहरीले जनाएको छ ।
