काठमाडौं । कभ्रेमा पानी पर्न थालेसँगै बीपी राजमार्गमा आवागमन पूर्ण रुपमा बन्द गरिएको छ। सोमबार दिउँसोदेखि पानी पर्न थालेपछि सम्भावित जोखिमलाई ध्यानमा राखेर प्रहरीले सवारी आवागमन बन्द गराएको हो ।
जिल्ला प्रहरी कार्यालय, काभ्रेका अनुसार जिल्लाका विभिन्न स्थानमा दिउँसोदेखि अत्यधिक वर्षा भइरहेका कारण राजमार्ग पूर्ण रुपमा बन्द गरिएको हो । सानो बाढी आउँदा पनि अस्थायी डाइभर्सन बाढीले बगाउने समस्या बारम्बार दोहोरिन थालेपछि यातायात सञ्चालनमा रोक लगाइएको हो ।
प्रतिकूल मौसमका कारण बीपी राजमार्गमा आवागमन गर्न जोखिमपूर्ण भएको प्रहरीको भनाइ छ। मौसम सुधान भएसम्मका लागि सवारी साधान चलाउँन रोकिएको प्रहरीले जनाएको छ।
