काठमाडौं । सुनसरीमा आज दिउँसो भएको बस दुर्घटनामा पाँच जनाको ज्यान गएको छ । जनकपुरबाट धरानको भेडेटार शैक्षिक भ्रमण आएको बस दुर्घटनामा परेको हो ।
को।१ ख ७१११ नम्बरको बस दुर्घटनामा परेको र चालक सहित ५ जनाको मृत्यु भएको सुनसरीका एसपी केशव थेबेले जानकारी दिए । भेडेटारबाट धरान आउँदै गरेको बस ब्रेक फेल भएर दुर्घटनामा परेको प्रहरीले जनाएको छ ।
जनकपुरबाट धनकुटाको भेडेटार पुगेर आएको बस ब्रेक फेल भएर दुर्घटनामा परेको प्रहरीले जनाएको छ । प्रहरीका अनुसार एक बालकसहित ५ जनाको मृत्यु भएको छ ।
थप १२ जना घाइतेको बीपी कोइराला स्वास्थ्य विज्ञान प्रतिष्ठानमा उपचार भइरहेको छ । घट्नाको बिस्तृत विवरण आउँन बाँकी रहेको बताइएको छ ।
