काठमाडौं । जेनजी पुस्ताको आन्दोलनका क्रममा शहीद भएका पाँच जना र घाइते भएका आधा दर्जनभन्दा बढीलाई नेपाल आयल निगम हवाइ इन्धन डिपो, सिनामंगलका कर्मचारीहरूले सहयोग हस्तान्तरण गरेका छन् ।

डिपोका प्रमुख प्रदीप कुमार यादव, उपनिर्देशक रामहरि निरौला, लेखाप्रमुख प्रवेश पाठकलगायत सम्पूर्ण कर्मचारीले “आफ्नो हिस्साबाट” अभियान चलाएर संकलन गरेको रकममार्फत शहीद परिवारलाई १ लाख २० हजार ५५० रुपैयाँ र घाइतेहरूलाई ९० हजार रुपैयाँ सहयोग गरिएको हो ।

शहीद परिवारलाई सहयोग विवरण :

• सुभाष बोहोरा – रु. २५,०००

• ओजन बुढा – रु. २५,०००

• दिपेश सुनुवार – रु. २५,०००

• महेश बुढाथोकी – रु. ३०,०००

• अभिषेक चौलागाई – रु. १५,५५०

घाइतेलाई सहयोग (प्रत्येकलाई रु. १५,०००) :

• सुभाष अर्याल (गुल्मी)

• ऋषिकेश यादव (कैलाली)

• रोशन रेग्मी (गोरखा)

• जगदिश परियार (रुकुम पश्चिम)

• दिपेश नेपाली (नुवाकोट)

• कुमार दाहाल (काभ्रेपलान्चोक)

सहयोग हस्तान्तरण शहीद परिवारको घरमा पुगेर तथा उपचाररत घाइतेको स्थानमा पुगेको टोलीमार्फत गरिएको थियो । कार्यक्रममा वाग्मती प्रदेशका संस्कृति तथा पर्यटन मन्त्री सुरेश श्रेष्ठले विशेष समन्वय गरेका थिए ।