काठमाडौं । नेपाली बजारमा आज (आइतबार) सुनको मूल्यले नयाँ रेकर्ड कायम गरेको छ ।
शुक्रबार दुई लाख १० हजार चार सय रुपैयाँमा कारोबार भएको सुन आज एक हजार ६ सय बढेर प्रतितोला दुई लाख १२ हजार रुपैयाँ पुगेको छ । नेपाल सुनचाँदी व्यवसायी महासंघका अनुसार यो मूल्य अहिलेसम्मकै उच्च हो ।
त्यस्तै आज चाँदी १० रुपैयाँले बढेको छ । शुक्रबार प्रतितोला दुई हजार चार सय ९० रुपैयाँमा कारोबार भएको चाँदी आज दुई हजार पाँच सय रुपैयाँ कायम भएको महासंघले जनाएको छ ।
