काठमाडौँ । आइसिसी यू-१९ विश्वकपअन्तर्गत एसिया छनोट प्रतियोगिता अन्तर्गत हङकङले नेपाललाई ११६ रनको लक्ष्य दिएको छ ।
तल्लो मुलपानी क्रिकेट मैदानमा टस हारेर पहिला ब्याटिंग गरेको हङकङले ४६.२ ओभरमा अल आउट हुदै ११५ रन बनाएको हो ।
हङकङको ब्याटिंग लाइन ध्वस्त गर्नेक्रममा नेपाली बलर युवराज खत्रीले ४ विकेट लिए भने विपिन प्रसाद शर्माले ३, सन्तोष यादवले २ र अशोक धामीले एक विकेट लिएका थिए । हङकङका लागि शिव माथुरले सर्बाधिक ६३ रन बनाएका थिए ।
जारी प्रतियोगितामा नेपालले आफ्ना दुवै खेल जितेर उत्कृष्ट शुरुवात गरेको छ । नेपालले यसअघि युएईलाई डिएल मेथड अनुसार ५ रनले पराजित गरेको थियो भने ओमानलाई ८ विकेटले पराजित गरेको थियो । त्यस्तै हङकङले भने आफ्नो पहिलो खेलमा अफगानिस्तानसँग हार बेहोरेको थियो ।
