काठमाडौं । नेपाल प्रिमियर लिगमा जनकपुर बोल्टसले पहिलो हार बेहोरेको छ । आज भएको सुदूरपश्चिम रोयल्ससँगको खेलमा जनकपुरले ७२ रनको फराकिलो अन्तरले पराजित भएको हो ।
जनकपुरले टस जितेर पहिले फिल्डिङ रोजेको थियो । टस हारेर पहिले ब्याटिङ गरेको सुदूरपश्चिमले निर्धारित २० ओभरमा ९ विकेट गुमाउँदै १२३ रन बनाएको थियो । जितका लागि १२४ रनको लक्ष्य पाएको जनकपुरले १२.१ ओभरमा सबै विकेट गुमाएर ५१ रन मात्र बनाउन सक्यो ।
जनकपुरका ब्याटरहरु अनिल शाह शून्य र आशिफ शेख ४ रनमा नै आउट भएपछि जनकपुरले अपेक्षित गति लिन सकेन । जोशुवा ट्रोम्पले खेलमा सर्वाधिक १३ रन लिए भने अन्य खेलाडीले दोहोरो अंक जोड्न सकेनन् ।
सुदूरपश्चिमका लागि हरमित सिंह, दिपेन्द्र सिंह ऐरी र इशान पाण्डेले २–२ विकेट लिए । शेफ जैब र नरेन साउद र स्कटले जनकपुरको १–१ विकेट लिएका छन् ।
