काठमाडौं । नेपालले टी–२० आई सिरिजमा अमेरिकालाई क्लीन स्वीप गरेको छ। सोमबार अमेरिकाको डालासमा भएको टी–२० शृंखलाको तेस्रो खेलमा घरेलु टोली अमेरिकालाई ८ विकेटले पराजित गर्दै नेपालले श्रृंखला कब्जा गरेको हो।
जितका लागि १५७ रनको लक्ष्य पाएको नेपालले आठ बल बाँकीछंदै २ विकेटको क्षतिमा लक्ष्य भेट्टाएको थियो। नेपालका लागि आशिफ शेखले अर्धसतक प्रहार गरे । उनले ३९ बलमा २ छक्का र ५ चौका प्रहार गरे।
यसैगरी अनिल शाहले १३ रनको योगदान गरे। कुशल मल्ल ४४ रन र कुशल भुर्तेलले ४० रनमा अविजित रहे। मल्लले ३० बलमा १ छक्का र ४ चौका प्रहार गरे। त्यसैगरी भुर्तेलले ३२ बलमा १ छक्का र २ चौका प्रहार गरे। अमेरिकाका लागि जुआनोय ड्रिसडेल र जसदीप सिंहले १–१ विकेट लिएका थिए।
