काठमाडौं । काठमाडौंमा आज यो वर्षकै न्यून तापक्रम मापन गरिएको छ । आज बिहान ६ बजे काठमाडौंको तापक्रम ३.८ डिग्री सेल्सियस मापन गरिएको हो । मौसमविद् प्रतिभा मानन्धरले आज यो वर्ष हालसम्मकै कम तापक्रम मापन गरिएको बताइन ।
जनवरी वर्षकै चिसो महिना हुने भएकाले तापक्रम अझ घट्ने सम्भावना रहेको मानन्धरको भनाई छ । बिभागका अनुसारहिजो काठमाडौंको तापक्रम ४.५ डिग्री सेल्सियस थियो ।
जल तथा मौसम विज्ञान विभागका अनुसार बिहान देशको पहाडी भू–भागमा आंशिक बदली रहेको छ । बाँकी भू–भागमा मौसम सामान्यतया सफा रहेको छ । तराईका धेरै स्थानमा हुस्सु र कुहिरो लागेको छ ।
