काठमाडौं । अष्ट्रेलियाको सिड्नीस्थित एक सपिङ मलमा अन्धाधुन्ध छुरा प्रहारबाट पाँच जनाको ज्यान गएको छ। शनिबार स्थानीय समयअनुसार अपराह्न ३ बजे सिड्नीको वेस्टफल्ड सपिङ मलमा अन्धाधुन्ध छुरा प्रहार हुँदा पाँच जनाको ज्यान गएको हो ।
मृतकको पहिचान खुलेको छैन । समाचार संस्था रोयटर्सका अनुसार सो घट्नामा परेर ९ महिनाका एक बालकसहित ८ जना घाइते भएका छन् । घाईतेहरुको सिड्नीका विभिन्न अस्पतालमा उपचारका भइरहेको बताइएको छ ।
छुरा प्रहारको घटनापछि प्रहरीको गोली प्रहारबाट अभियुक्तको ेज्यान गएको स्थानीय सञ्चारमाध्यमले जनाएका छन् । बिबिसीका अनुसार छुरा प्रहार गर्ने व्यक्ति अपराह्न ३ः १० बजे सपिङ मलमा प्रवेश गरेको र १० मिनेटमै मलबाट बाहिरिएको जनाएको छ ।
संदिग्ध व्यक्ति बाहिरिएपछि मलबाट सयौं मानिसहरू आत्तिँदै बाहिर निस्किएका थिए। घटनाबारे अनुसन्धान भइरहेको न्यू साउथ वेल्स प्रहरीले जनाएको छ।
