काठमाडौं । मनाङमा लेक लागेर एक विदेशी नागरिकको मृत्यु भएको छ । जिल्लाको डिस्याङ गाउँपालिका–६ गेनसाङ पुल क्षेत्रमा सिङ्गापुरका एक नागरिक मृत अवस्थामा फेला परेका हुन् ।
अस्थायी प्रहरी पोस्ट टंकीबाट खटिएको प्रहरी टोलीका अनुसार मृत्यु हुनेमा सिङ्गापुरका ४२ वर्षीय पुरुष रहेका छन् । प्रारम्भिक रूपमा लेक लागेका कारण मृत्यु भएको आशंका गरिएको प्रहरीले जनाएको छ ।
घटनाको वास्तविक कारण खुल्न बाँकी रहेको र यस विषयमा थप अनुसन्धान भइरहेको प्रहरीले जानकारी दिएको छ ।
