काठमाडौं । खाना पकाउने एलपी ग्यासको मूल्य बढेको छ । नेपाल आयल निगमले खाना पकाउने एलपी ग्यासको मूल्य शुक्रबार बिहानैदेखि लागू हनेगरी प्रति शिलिण्डर एक सय ५० रूपैयाँ बढाएको हो ।
मुल्य बढेसंगै अब खाना पकाउने एलपी ग्यासको मूल्य १४.२ केजीको २१६० रुपैयाँ पर्नेछ । त्यस्तै ७.१ केजी (आधा सिलिन्डर) को १०८० पर्नेछ ।
निगमले पेट्रोल र डिजेलको मूल्य भने घटाएको छ । निगमले पेट्रोलमा प्रतिलिटर २ रुपैयाँ, डिजेल र मट्टितेलमा प्रतिलिटर १२ रुपैयाँ घटाइएको छ ।
मूल्य समायोजनले पनि पाक्षिक रुपमा १ अर्ब ८१ करोड घाटा रहेको निगमका प्रबक्ता मनोज ठाकुरले बताए ।
