-
काठमाडौं – सरकारले भक्तपुर स्थित सहीद धर्मभक्त राष्ट्रिय प्रत्यारोपण केन्द्रको कार्यकारी निर्देशकमा डा. कल्पना कुमारी श्रेष्ठलाई नियुक्त गरेको छ ।
मंगलबार बसेको मन्त्रिपरिषद् बैठकले स्वास्थ्य मन्त्रालयको सिफारिसमा सिनियर कन्सल्टेन्ट नेफ्रोलोजिस्ट (मिर्गौला रोग विशेषज्ञ) डा. श्रेष्ठलाई केंद्रको कार्यकारी निर्देशक बनाउने निर्णय गरेको हो ।
यस अघि उक्त पद वरिष्ठ प्रत्यारोपण शल्य चिकित्सक डा. पुकार चन्द्र श्रेष्ठले सम्हालेका थिए । उनी अवकाश पछि पद केही समयदेखि रिक्त थियो ।
