काठमाडौं । भेरी नदीमा गएराति टिपर खस्दा तीनजना बेपत्ता भएका छन् । जाँजरकोटको नलगाड नगरपालिकाको दल्लीबाट जाजरकोटकै रिम्नातर्फ आउँदै गरेको टिपर गएराति भेरी नदीमा खसेको थियो ।
प्रहरीका अनुसार, भेरी करिडोरको काम गर्दै आएको यती विल्डर्सको रा१क १५०१ नम्बरको टिपर रुकुम पश्चिमको आठबीसकोट १४ पिपलचौरस्थित भेरी नदीमा खसेको हो । टिपरमा चालकसहित तीनजना सवार रहेको प्रहरीको भनाई छ ।
बेपत्ताको खोजीमा रुकुमपश्चिम र जाजरकोटको प्रहरी टोली परिचालन गरिएको प्रहरीले जनाएको छ । भेरी नदीमा पानीको मात्रा अत्यधिक भएकाले बेपत्ताको खोजी गर्न कठिनाइ भइरहेको जनाइएको छ । बेपत्ता भएकाहरूको नाम ठेगाना खुल्न नसकेको प्रहरीको भनाई छ।
