काठमाडौं । ललितपुरको ग्वार्कोमा बस दुर्घटना हुँदा एक जनाको मृत्यु भएको छ भने १० जना घाइते भएका छन् ।
बिहीबार बिहान कोटेश्वरबाट सातदोबाटोतर्फ जाँदै गरेको बा. २ ख ३५९० नम्बरको बस ग्वार्कोस्थित पुलको पर्खालमा ठोक्किएर दुर्घटना भएको हो ।
दुर्घटनामा एक जनाको मृत्यु भएको उपत्यका ट्राफिक प्रहरी कार्यालयले जनाएको छ ।
प्रहरी वृत्त सातदोबाटोका डीएसपी वकिल सिंह नेतृत्वको टोलीले घटनास्थलबाट घाइतेहरूको उद्धार गरेको थियो। घाइते १० जनालाई उपचारका लागि बीएण्डबी अस्पताल पठाइएको छ ।
